2/27/2012

قصيدة الشايب بصوت سمير البشيري

الكاتب محمد الشريف



بسم الله الرحمن الرحيم 

أقدم لك قصيدة للشاعر ظافر القحطاني بعنوان قصيدة الشايب بصوت المنشد سمير البشيري وهي تصف حالنا و حال من عاش في الزمن الماضي .

اترك لك الاستماع والفائدة :



كلمات قصيدة الشايب :
......

ماني بناسي قصةٍ صارت وانا ازور القبور 
 لازلت افكر فـي غرابتها وبالي تشغله

ساعة ظهر لي شايبٍ له حول قرنين محجور
في جوف قبرٍ عن هـل الدنيـا طواه ويعزله

سلّم وجا صوبي يقول : ابنشـدك يلـي تـزور
عن حالة الدنيا وعن وضع الزمان وعن هلـه

أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه

قلت : الزمان اللي يبارينا علـى خبرك يدور
الوقت نفسه مـا تغيّـر ماشيٍ فـي جدوله

أما البشر لا والله الاّ غير من حد الجذور
صار انتقالٍ مـن يميـن الى يسار المنقله

استغرب الشايب من الي قلـت وبليّـا شعور
حط اليمين على الشمال وخاطره فيه اسئله

قال : افتني عن حالة الشيبان والشيـخ الوقـور
أهل الخبر والراي والحكمه وضرب الأمثله

القدوه أصحاب الأمور اللي تطاع بكل شور
اللي يفضّون النـزاع ويحكمون المشكله

قلت : البعض منهم على ما قلت في وصفك وقور
قدوه ولكن رايهم ما ينفـرض فـي مسأله

الطاعه العميا بقا منها مجاملة الحضور
اللي تلاقيها مـع اوّل فـرصةٍ متنصّـله

قال : افتني عن حالة الخفـرات ربّات الخدور
اللي تصـان بـبيـت عايلهـا و بابـه تقفلـه

شيهانةٍ تشمخ عفاف وتصقـل فـروخ الصقـور
بين الفريق ببشتهـا الضافي وثوبٍ تسبلـه

قلت : العذارى فـي زمنّـا زي أشكال الطيور
تقليد هرج و عرض ريشٍ خلفهـا تستخملـه

تلبس عباةٍ ضيّقـت حـول الردايف والخصـور
فضيحةٍ تكشف جسدها من علـوّه لاسفله

وموضة شيالٍ تكشف الوجنات والوان الشعور
والمحرم تبدّل بجوالٍ بيدهـا تحمله

لا فوّحت صفر الدلال ولا عرفت غـش القـدور
تطبـخ لها خـدّامةٍ بالعايله متوكله

قال : افتني بحال الشباب الصلب صيّـاد النمـور
الفارس اللي ينطـح خصومه بزنـدٍ يفتلـه

الوافي الشهم الغيور اللي لعرض الجار سور
البار عند امّـه وابـوه وعلـم ربعـه يشغلـه

قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيه عضلـه

قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى الاّ عـالـمٍ متبنطـلـه

ناسٍ ( فلنتينو ) وناسٍ تلبس ( كرستانديـور )
صار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )
والبل راعيها غدا يشرب حليب ( النستلـه )

مامنهم اللي قام دون اعراض جيرانه غيور
من قام قالو وشـملقّف حضرته ؟ وشـدخّله

والوالدين حقوقهم ضاعت وعنهم فـي نفور
إن غاب عنهم لا تذكرهـم ولا جاه الوله

بدّا عليهم شلّةٍ تهوى الوطا بين الجحور
لو تعزله عنهم تبي لـه شـان كنّـك تقتله

ما راح يوم يشارك ربوعه بحزن ولا سرور
حتى ابن عمّه يعرفه بالوجه واسمه يجهله

ناظر لي الشايب بعينٍ تجمـع السبع البحور
يقول : أنا لا يمكن ادخل مجتمعكـم واقبلـه

انتو لكم وقتٍ تصدّع من بلاويه الصخور
ما يقعد الجمّال به ساعه ولو ضاع جمله

لتحميل قصيدة الشايب بصوت سمير البشيري اضغط هنـا .

شكراً لمتابعتك .

15 التعليقات :

غير معرف يقول...

جدا رائعه شكرا لكاتبها وملحنها أشهد أن لاإله إلا الله محمد رسول الله استغفر الله وسبحان الله الحمد لله والله اكبر

غير معرف يقول...

حلوووووووه مررره

غير معرف يقول...

بسم الله الرحمن الرحيم اسلام عليكم ورحمة الله وبركاته اما بعد اشكر الاخ الكريم حفضه الله تعال الله يرحم والده على الانشيد الجميلة و خاصتا قصية الشايب فعلا ضربتني في صميمه فؤادي الله يحفضك يارب العلمين الرسالة إلى المنشد سمير ابشيري وسلام عليكم

غير معرف يقول...

في قمه الروعه شي فعلا حنا غافلين عنه القصيده اختصرت جميع الكلام الخفي

غير معرف يقول...

روووووووعه الله يحفظه بس كيف احملها

غير معرف يقول...

انشوده قمه في الروعه والوصف شكرا

غير معرف يقول...

جميله هـ القصيده

الله لا يضره .. ( وصوت سيمر البشري ، اكثر من رائع ) ..

غير معرف يقول...

مشاء الله حلوه القصيده واللحن وكلش

غير معرف يقول...

جدا رائعه ماشاء الله

غير معرف يقول...

ما شاء الله جزاك الله خير قمه في الروعه

الغامدي يقول...

قصيده جميله والي كاتبه اجمل والله يوفقك والى الامام

قَلْـ الْصَّغِيْـرَـبِيَ يقول...

جميل

غير معرف يقول...

اولا :السلام عليكم
قصيدة جميلة ورائعة جدا جدا اول مرة لم تعجبني ولكن بعد ما سمعتها مرة أخرى أعجبتني وصارت أفضل قصيدة لدي فشكر لك يا سمير البشيري ويا منتدى مدونة فائدةومششششششششششششششششششكوووررررررررررررررررين

غير معرف يقول...

السلام مشكور ع هالقصيدهه الاكثثثثثر من رائعه

غير معرف يقول...

الســلام عليكم صراحه انشوده جميله جدا ومشكورين

إرسال تعليق